عمران خان کے خلاف لاہور میں ایک اور مقدمہ درج کرلیا گیا۔ پی ٹی آئی کی لیڈر شپ کے خلاف تھانہ سرور روڈ میں مقدمہ درج کیا گیا ہے۔

ڈی ایس پی رانا اشفاق کی مدعیت میں درج مقدمے میں قتل، اقدام قتل اور دہشتگردی کے سمیت 20 دفعات شامل کی گئی ہیں۔

مقدمہ میں میاں اسلم اقبال اور میاں محمود الرشید کے نام بھی شامل ہیں۔

ایف آئی آر میں کہا گیا کہ عمران خان، شاہ محمود قریشی، فرخ حبیب کی ایماء پر شرانگیزی کی گئی۔

ایف آئی آر میں حماد اظہر، مسرت جمیشد چیمہ، جمشید اقبال چیمہ، زبیر نیازی، اسد زمان ، مراد سیعد اور علی امین گنڈا پور کو بھی نامزد کیا گیا ہے۔

درج مقدمے کے متن میں کہا گیا کہ ملزمان مسلح ہوکر مشتعل ہجوم کی قیادت کر رہے تھے۔