پاکستان تحریک انصاف کے چیئرمین عمران خان کی گرفتاری کے بعد ملک بھر میں حالات کشیدہ ہونے کے باعث امریکا، برطانیہ، کینیڈا اور یورپی یونین نے ٹریول ایڈوائزی جاری کردی ہے۔

یاد رہے کہ گزشتہ روز عمران خان کو اسلام آباد ہائی کورٹ میں پیشی کے موقع پر اسلام آباد پولیس نے گرفتار کیا گیا تھا۔

جاری ہونے والی ٹریول ایڈوائزی میں کہا گیا کہ مذکورہ ممالک کے شہری آزاد کشمیر، بلوچستان اور خیبرپختونخوا میں غیرضروری سفر سے گریز کریں۔

کشیدہ حالات کے حوالے سے کینیڈین ہائی کمیشن کا کہنا ہے کہ دہشت گردی اور اغوا کا خطرہ ہے، اسلام آباد، راولپنڈی، لاہور اور کراچی میں سیکیورٹی فورسز ہائی الرٹ پر ہیں، شہری ان علاقوں میں جانے سے گریز کریں جہاں مظاہرے ہو رہے ہوں۔