سی سی پی او لاہور بلال صدیق کمیانہ نے ناقص کارکردگی کے حامل افسران کو تنبیہ کرتے ہوئے کہا کہ ایک ہفتے کے اندر زیر تفتیش کیسز نہ نمٹائے گئے تو قانونی کارروائی عمل میں لائی جائے گی۔

سی سی پی او لاہور بلال صدیق کمیانہ کی زیر صدارت اجلاس میں صدر اور اقبال ٹاؤن ڈویژنز کی گزشتہ 4 ماہ کی کارکردگی کا جائزہ لیا گیا۔

سی سی پی او لاہور نے ناقص کارکردگی پر صدر ڈویژن کی سخت سرزنش کی اور ایس پی چوہنگ سدرہ خان کی بہتر کارکردگی کو سراہا۔

بلال کمیانہ نے وارننگ دی کہ ایک ماہ سے پرانا نامزد ملزم اور 3 ماہ سے پرانا نامعلوم مقدمہ زیرالتوا نہ رہے، ناقص کارکردگی کے حامل ایس ڈی پی اوز اور دیگر افسران سزاؤں کے لیے تیار رہیں، خاموش ملزمان کو اشتہاری قرار دے کر باقاعدہ ریکارڈ اور سسٹم میں لائیں۔

انہوں نے حکم دیا کہ ایس ایچ اوز مجرموں کی گرفتاری میں انوسٹی گیشن ونگ کو مکمل سپورٹ فراہم کریں۔