وزیراعظم شہباز شریف ضرورت پڑنے پر آج قومی اسمبلی سے اعتماد کا ووٹ لے سکتے ہیں، اس حوالے سے قومی اسمبلی سیکرٹریٹ کو ضمنی ایجنڈا تیار رکھنے کی ہدایت کردی گئی۔

وزیراعظم کے اعتماد کے ووٹ کے معاملے پر حکومت نے تیاری مکمل کرلی۔ اعتماد کے ووٹ کا حتمی فیصلہ سپریم کورٹ کے 3 رکنی بینچ کی جانب سے آج انتخابات سے متعلق کیس کی سماعت کے بعد کیا جائے گا۔

مزید پڑھیں: انتخابات کیس : 26 اپریل کو سیاسی جماعتوں کا اجلاس، 27 کو عدالت میں رپورٹ طلب

حکومتی اراکین کو آج کے اجلاس میں حاضری یقینی بنانے کا حکم دیا گیا ہے۔

عدم اعتماد کے ووٹ کی تیاری سپریم کورٹ کی اس کیس مین گزشتہ سماعت کے موقع پر وزیراعظم کے پاس اکثریت نہ ہونے کی آبزرویشن کو مد نظررکھ کر کی گئی ہے۔

مزید پڑھیں: وزیراعظم اعتماد کا ووٹ لیں: شیخ رشید نے صدر کو خط لکھ دیا

قومی اسمبلی کے گزشتہ روز کے اجلاس میں ایوان میں حکومتی اتحاد کے 172اراکین موجود تھے۔

وزیراعظم کو اعتماد کے ووٹ کے لیے بھی 172 اراکین کی ضرورت ہے، اعتماد کا ووٹ اوپن ووٹنگ کے ذریعے ہوگا۔

وزیراعظم آج اعتماد کا ووٹ لے سکتے ہیں، ذرائع

دوسری جانب ذرائع کا کہنا ہے کہ وزیراعظم شہبازشریف آج اعتماد کا ووٹ لے سکتے ہیں۔

وزیراعظم ہاؤس نے تمام اتحادی حکومت کے پارلیمانی لیڈران سے رابطہ کرکے آج کے اجلاس میں 180 ممبران کی شرکت یقینی بنانے کی ہدایت کردی ہے۔