وادی تیراہ میں سیکیورٹی فورسز اور دہشتگردوں کے مابین فائرنگ کے تبادلے میں دو ہشت گرد ہلاک اور دو جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق ضلع خیبر کےعلاقے وادی تیراہ میں سیکیورٹی فورسز اور دہشتگردوں میں فائرنگ کا تبادلہ ہوا، جس میں دو دہشت گرد مارے گئے۔

آئی ایس پی آر کے مطابق فائرنگ کے تبادلے میں دو سیکیورٹی اہلکار بہادری سے لڑتے ہوئے شہید ہوگئے۔ شہید ہونے والوں میں 26 سالہ وقاص شاہ اور 24 سالہ باسط علی شامل ہیں۔

آئی ایس پی آر نے بتایا کہ سیکیورٹی فورسز کی کارروائی میں 4 دہشت گرد زخمی بھی ہوئے،جب کہ دہشت گردوں کے قبضے سے اسلحہ اور گولہ بارود برآمد ہوا ہے۔