سابق سینیٹر انور بیگ طویل علالت کے بعد انتقال کرگئے

انوربیگ کی نمازجنازہ کل عید کے روز نماز ظہر کے بعد اسلام آباد کے ایچ 8 قبرستان میں ادا کی جائے گی، سابق سینیٹر کے انتقال کی خبر پر مختلف سیاسی و سماجی شخصیات نے افسوس کا اظہار کیا ہے۔

وزیر داخلہ رانا ثناء اللہ نے سابق سینیٹر انور بیگ کی وفات پر اظہار افسوس کرتے ہوئے کہا ہے کہ اللہ تعالیٰ مرحوم کے درجات بلند فرمائے، اللہ سوگواران کو صبر جمیل عطا کرے، مرحوم ایک نفیس انسان اور منجھے ہوئے سیاستدان تھے۔

انور بیگ پاکستان پیپلز پارٹی اور مسلم لیگ (ن) کا بھی حصہ رہے، پیپلز پارٹی کے سابق دور حکومت میں وہ بینظیر انکم سپورٹ پروگرام کے چیئرمین کے عہدے پر بھی فائز رہے۔