رہنما پی ٹی آئی علی امین گنڈاپور کو شکارپور کی مقامی عدالت نے جوڈیشل ریمانڈ پر جیل بھیج دیا ہے۔

علی امین گنڈا پورکو اشتعال انگیز تقاریرکے کیس میں اسپیشل مجسٹریٹ کے روبرو پیش کیا گیا جہاں پولیس نے ان کے 14 روزہ جسمانی ریمانڈ کی استدعا کی۔

عدالت نے پولیس کے جسمانی ریمانڈ کی درخواست مسترد کرتے ہوئےعلی امین گنڈا پورکا جوڈیشل ریمانڈ منظور کرلیا اور ان کو سکھر سینٹرل جیل بھیج دیا۔

عدالت نے رہنما پی ٹی آئی علی امین کو 26 اپریل کو دوبارہ پیش کرنے کا حکم دیا ہے۔

ریاست مخالف تقاریر اور ٹویٹ کرنے پر شکارپور کے مقامی شخص امان اللہ کی جانب سے ایف آئی آر درج کروائی گئی تھی۔