بالی ووڈ اداکارہ سونم کپورنے پاکستان کے سپر اسٹار فواد خان کی تازہ ترین انسٹاگرام پوسٹ پر دلچسپ ردعمل کا اظہار کیا ہے۔

اداکار فواد خان نے حال ہی میں اپنے انسٹاگرام پر ایک ویڈیو پوسٹ کی جس میں انہیں بھرپور ایکشن میں دیکھا جا سکتا ہے۔ دیکھنے میں تو یہ کسی فلم کا سین معلوم ہوتا ہے لیکن انہوں نے پوسٹ میں تفصیلات شیئر نہیں کیں۔ البتہ اداکار نے کیپشن میں لکھا کہ جلد آرہا ہے جس سے مداحوں میں تجسس پیدا ہو گیا ۔

جہاں سپر اسٹار کے فینز نے پوسٹ پر تبصرے کررہے ہیں وہیں بالی ووڈ اداکارہ سونم کپور نے بھی فواد خان کی اس پوسٹ پر ردعمل کا اظہار کیا ۔

انہوں نے لکھا کہ “فواد خان سکرین پر ہمیشہ جادو چلاتے ہیں,جلد ہی فواد اور ان کی اہلیہ صدف سے ملاقات ہوگی۔

واضح رہے کہ فواد خان اور سونم کپور نے 2014 میں ریلیز ہونے والی فلم ”خوبصورت“ میں مرکزی کردار نبھایا تھا۔