لاہور میں ڈولفن فورس نے مقابلے کے بعد ایک ڈاکو کو زخمی حالت میں گرفتار کرلیا۔

لاہور کے علاقے سبزہ زار میں ڈاکو فائرنگ کرتے ہوئے گھر میں داخل ہوئے، ڈاکوؤں نے گھر میں موجود بچی کو یرغمال بنا کر فائرنگ شروع کر دی۔

ڈاکوؤں اور ڈولفن فورس کے درمیان مقابلہ ہوا۔ ڈولفن فورس نے بچی کی جان کو محفوظ بناتے ہوئے جوابی فائرنگ میں ایک ڈاکو کو زخمی حالت میں گرفتار کرلیا جبکہ دوسرا ملزم فرار ہونے میں کامیاب ہوگیا۔