ایشیئن ہاکی فیڈریشن نے جونیئر ایشیاء کپ کے شیڈول کا اعلان کردیا۔

ایشیئن ہاکی فیڈریشن نے ایف آئی ایچ سے منظوری کے بعد جونیئر ایشیاء ہاکی کپ کے شیڈول کا اعلان کردیا ہے، جس کے مطابق کپ 23 مئی سے یکم جون تک عمان کے شہر سلالہ میں کھیلا جائے گا۔

اے ایچ ایف نے کپ میں شامل ٹیموں کو دو پولز میں تقسیم کیا ہے۔ پول اے میں پاکستان، بھارت، جاپان، تھائی لینڈ، چائینیز تھائی پے اور پول بی میں کوریا، ملائشیا، عمان، بنگلہ دیش اور ازبکستان کو رکھا گیا ہے۔

پاکستان اپنا پہلا میچ 23 مئی کو چائینیز تھائی پے، دوسرا 24 مئی کو تھائی لینڈ، تیسرا 27 مئی کو روایتی حریف بھارت جبکہ 29 مئی کو جاپان کے خلاف کھیلے گا۔