بھارتی اداکار سونو سود کے مداحوں نے ڈھائی ہزار کلو چاولوں سے اداکار کا شاندار پورٹریٹ بنا دیا۔

رپورٹس کے مطابق مداحوں نے ایک این جی او کے ساتھ مل کر ریاست مدھیا پردیش کے شہر دیواس میں واقع اسٹیڈیم میں ایک ایکڑ کی زمین پر ڈھائی ہزار کلو چاولوں سے سونو سود کا پورٹریٹ بنایا۔

سونو سود نےمداحوں کی جانب سے چاولوں سے پورٹریٹ بنانے کی ویڈیو انسٹاگرام پر اپ لوڈ کی اور ساتھ ہی اداکار نے اپنے فینز کے اس پیار کا شکریہ بھی ادا کیا۔

رپورٹس کے مطابق سونو سود کے پورٹریٹ میں استعمال ہونے والے ڈھائی ہزار کلو چاول بعد میں عطیہ کردیے گئے تھے۔