کراچی کی مقامی عدالت نے کےالیکٹرک کی پی ایم ٹی سے زخمی ہونیوالے شہری کو92 لاکھ روپے ادا کرنے کا حکم دے دیا ہے۔

سینئر سول جج رزاق حسین کی عدالت میں کے الیکٹرک کی پی ایم ٹی سے شہری کے زخمی ہونے کے کیس کی سماعت ہوئی۔

عدالت نے کےالیکٹرک کو متاثرہ شہری عاصم امام کو 92 لاکھ روپے ہرجانے کا حکم دیتے ہوئے کہا کہ کے الیکٹرک 30 دن میں ہرجانے کی رقم ادا کرے۔

درخواست گزارکے وکیل ایڈوکیٹ عثمان فاروق نے کہا کہ اورنگی ٹائون صادق آباد میں 15 نومبر 2018 کو واقعہ پیش آیا تھا جہاں پی ایم ٹی کے الیکٹرک کی غفلت کے باعث گری تھی۔

وکیل نے مزید کہا کہ واقعے میں عاصم امام بری طرح زخمی ہوئے آج بھی جسم کے کئی حصے ناکارہ ہیں جس کے لئے کے الیکٹرک پر بھاری جرمانہ عائد کرکے ہرجانہ ادا کرنے کا حکم دیا جائے۔