انٹر سروسز پبلک ریلیشنز (آئی ایس پی آر) کا کہنا ہے کہ بنوں میں سیکیورٹی فورسز کے آپریشن کے دوران تین دہشت گرد ہلاک ہوگئے۔

پاک فوج کے ترجمان ادارے آئی ایس پی آر کے مطابق بنوں ضلع میں خفیہ معلومات کی بنیاد پرآپریشن کیا گیا۔ آپریشن کے دوران 3 دہشت گرد ہلاک ہوگئے۔

آئی ایس پی آر نے مزید بتایا کہ ہلاک دہشت گردوں سے اسلحہ اور ایمونیشن برآمد کیا گیا، دہشت گرد فورسز کےخلاف کارروائیوں اور شہریوں کے قتل میں ملوث تھے۔