صدر مملکت کی جانب سے سپریم کورٹ سے متعلق بل نظر ثانی کے لئے واپس بجھوانے کے اقدام پر وزیراعظم شہباز شریف نے شدید ردعمل کا اظہار کیا ہے۔

ٹوئٹر پر جاری بیان میں شہباز شریف نے کہا کہ صدر علوی کا پارلیمنٹ سے منظور شدہ سپریم کورٹ بل کو واپس کرنا انتہائی افسوس ناک ہے، اپنے عمل سے عارف علوی نے اپنے عہدے کی توہین کی ہے۔

وزیراعظم نے صدر مملکت پر تنقید کرتے ہوئے کہا کہ صدر پی ٹی آئی کے کارکن کا کردار ادار کر رہے ہیں، ایسا کارکن جو عمران نیازی کے لئے آئین ذمہ داریوں کو نظر انداز کر رہا ہے۔

خیال رہے کہ خیال رہے کہ صدر مملکت نے سپریم کورٹ پریکٹس اینڈ پروسیجر بل 2023 کو نظرثانی کیلئے واپس بھیج دیا ہے۔