سوات کی باغ ڈھیری مسجد لکڑی سے بنا فن تعمیر کا خوب صورت شاہکار ہے، جسے دیکھ کر لوگ دل کھول کر اس کی تعریف کرنے پر مجبور ہو جاتے ہیں۔

باغ ڈھیری مسجد کی خوبصورت نقش و نگار والی چھت اور گنبد ہی نہیں، درودیوار، منبر اور فانوس بھی لکڑی سے بنے ہیں جس کی تعمیر میں دیار کی قیمتی لکڑی کا استعمال کیا گیا ہے۔

ہاتھ سے کی گئی کندہ کاری کاریگروں کی مہارت کا منہ بولتا ثبوت ہے، جسے دیکھنے کیلئے سیاح مختلف علاقوں سے آتے ہیں۔

قیمتی لکڑی دیار سے بنی یہ منفرد مسجد دیدہ زیب کندہ کاری کے ساتھ ساتھ قدیم فنِ تعمیر کا شاہکار بھی ہے۔