بھارتی ریاست سکم کو گنگ ٹوک کونتھولا سے جوڑنے والی جواہر لال نہرو روڈ پر منگل کے روز برفانی تودہ گرنے سے کم از کم 6 افراد ہلاک ہو گئے، جب کہ ‏‏150 سے زیادہ دبے ہونے کا خدشہ ہے۔

حکام کا کہنا ہے کہ ابتدائی اندازے کے مطابق تقریباً 30 لوگوں کو بچا کر منی پال اسپتال میں داخل کرایا گیا ہے، جبکہ رسکیو ‏آپریشن جاری ہے۔

ایس پی گنگ ٹوک، ٹینزنگ لوڈن لیپاچ موقع پر امدادی کارروائیوں کی نگرانی کر رہے ہیں۔‎

انہوں نے بتایا کہ بارڈر روڈ آرگنائزیشن، پولیس اور فوج مقامی ٹیکسی ڈرائیوروں کے ساتھ مل کر دبے ہوئے افراد کو تلاش ‏کرنے کی کوشش کر رہے ہیں۔‎

لیفٹیننٹ کرنل مہیندر راوت نے کہا کہ، ”سڑک سے برف ہٹانے کے بعد پھنسے ہوئے تقریباً 350 دیگر کو بچا لیا گیا ہے۔“‎

یہ برفانی تودہ اس وقت گرا جب سیاح گنگ ٹوک کو سومگو جھیل اور نتھولا سرحد کے سیاحتی مقامات سے جوڑنے والے ‏جواہر لعل نہرو سڑک کے برف سے ڈھکے پہاڑی کنارے پر موجود تھے۔‎

یہ واقعہ جواہر لعل نہرو مارگ کے 15 سے 17 میل کی مسافت پر گنگ ٹوک سے تقریباً 25 کلومیٹر دور دوپہر سوا بارہ بجے ‏پیش آیا۔