پاکستان کرکٹ ٹیم کے کپتان بابر اعظم نے مسجد نبویﷺ اور فاسٹ بولر حارث رؤف نے مسجد الحرام سے تصاویر شیئر کی ہیں۔

قومی کرکٹ ٹیم کے فاسٹ بولر حارث رؤف نے عمرے کی سعادت حاصل کرلی۔

حارث رؤف نے سوشل میڈیا اکاؤنٹ پر خانہ کعبہ کے سامنے کھڑے ہوئے تصویر شیئر کی اور کیپشن میں الحمداللہ لکھا۔

اس کے علاوہ قومی کرکٹ ٹیم کے کپتان بابراعظم بھی عمرہ کی ادا کرنے کے لئے سعودی عرب میں موجود ہیں۔

مسجد نبوی کے احاطے میں لی گئی تصویر بابر اعظم نے ٹوئٹر پر شیئر کی جس میں گنبد خضرا کی جانب دیکھ رہے ہیں۔

بابر اعظم نے اپنی ٹوئٹ میں لکھا: ”بعد از خدا بزرگ توئی، قصہ مختصرـ“

خیال رہے کہ حارث رؤف کے ساتھ بابراعظم ، شاہین آفریدی، محمد رضوان اور فخر زمان کو افغانستان ٹی ٹوئنٹی سیریز کے دوران آرام دیا گیا تھا۔