وزیراعظم شہباز شریف کے ہنگامی اجلاس میں کراچی کے شہریوں کی شکایات کا ازالہ کیا گیا، اجلاس میں کراچی میں رمضان کے دوران گیس پریشر میں کمی اور لوڈشیڈنگ پر بریفنگ دی گئی۔

وزیراعظم نے سحروافطار میں گیس کی بلاتعطل فراہمی کی ہدایت جاری کرتے ہوئے کہا کہ گیس فراہمی کے حوالے سے جامع حکمت عملی اپنانا چاہئے تھی۔

گزشتہ روز وزیراعظم نے کراچی میں گیس فراہمی کی شکایات کا سخت نوٹس لیا تھا، وزیراعظم کے گزشتہ روز کے احکامات پر ہنگامی عمل درآمد کیا گیا۔

آج وزیراعظم کو بریفنگ میں بتایا گیا کہ کراچی میں گیس تعطل کا مسئلہ حل کر لیا گیا ہے۔

وزیراعظم نے گیس فراہمی کے عمل کی مسلسل نگرانی کرنے اور کوئی کوتاہی نہ برتنے کی سخت ہدایت کی ہے۔

ساتھ ہی سحروافطار میں گیس کی بلاتعطل فراہمی کی ہدایت بھی کی ہے۔