فیڈرل بی ایریا میں افطار کے وقت ڈکیتوں نے تسلی سے روزہ داروں کو لوٹا اور فرار ہوگئے۔

کراچی میں ڈکیتوں نے روزے داروں کا افطار کرنا بھی مشکل کردیا، فیڈرل بی ایریا بلاک 14 میں افطار کے وقت ڈکیتی کی واردات ہوئی، جس کی سی سی ٹی وی فوٹیج آج نیوز کو موصول ہوگئی ہے۔

ویڈیو میں واضح طور پر دیکھا جاسکتا ہے کہ مرغی کی دوکان پر کام کرنے والے 9 افراد مل کر روزہ افطار کررہے ہیں، اسی دوران دو مسلح ملزمان دکان میں داخل ہوتے ہیں، اور سب سے پہلے کیش کاؤنٹر کا صفایا کرتے ہیں۔

ویڈیو میں نظر آرہا ہے کہ مسلح ملزم اطمینان سے 9 افراد کی جیبوں سے بھی نقدی نکالتا ہے، اور اس دوران خوف میں مبتلا روزے دار افطار بھی کرتے رہے، جب کہ دونوں ملزمان نو افراد سے نقدی اورموبائل فونز لوٹ کر فرار ہو گئے ہیں۔