کراچی میں دن کے اوقات میں گرمی بڑھنے لگی ہے، آج شہر قائد کا مطلع صاف ہے لیکن دن بھر تیز دھوپ رہے گی۔

محکمہ موسمیات کے مطابق آئندہ تین روز تک شہر میں تیز دھوپ رہنے کا امکان ہے جس وجہ سے شہر میں گرمی بھی زیادہ محسوس ہوگی۔

آج کم سے کم درجہ حرارت 21 ڈگری سینٹی گریڈ ریکارڈ ہوا، جبکہ زیادہ سے زیادہ درجہ حرارت 33 سے 34 ڈگری سینٹی گریڈ تک جانے کا امکان ہے۔

شہر میں صبح کے اوقات میں ہوا کی سمت شمال مغربی ریکارڈ ہوئی، جو بعد ازاں جنوب مغربی ہوجائے گی۔