وزیراعظم شہبازشریف کا کہنا ہے کہ ملک کو درپیش چیلنجز عمران کی ناکام پالیسیوں کا نیتجہ ہیں، وہ صرف بڑے بڑے بیان ہی دے سکتے ہیں۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف کا کہنا تھا کہ عمران نیازی نے ہمیشہ صرف بیان بازی کی ہے، وہ بڑے بڑے بیان ہی دے سکتے ہیں۔

وزیراعظم کا کہنا تھا کہ قوم عمران نیازی سے وفاقی اور صوبائی دونوں سطحوں پر ان کی مایوس کن کارکردگی پر سوال اٹھانے کا جواز رکھتی ہے۔

شہباز شریف نے مزید کہا کہ ملک کو درپیش سیاسی، گورننس اور معاشی چیلنجز کی بنیاد عمران نیازی کی ناکام پالیسیوں کا نتیجہ ہے۔

اس سے قبل وزیراعظم شہبازشریف بہاولپور کے مختصر دورے پر گئے اور شہر میں مفت آٹا تقیسم پوائنٹ کا وزٹ کیا، جہاں انہوں نے آٹے کی تقسیم کے عمل اور انتظامات کا جائزہ لیا، جب کہ شہریوں سے مسائل بھی پوچھے۔