پاکستان تحریک انصاف کے کئی رہنما و سابق ممبر قومی اسمبلی اینٹی کرپشن کے ریڈار پرآگئے جن میں غلام بی بی بھروانہ، فرخ حبیب، عامرڈوگر، مراد راس، وارث عزیز اور علی اختر شامل ہیں۔

ترجمان اینٹی کرپشن نے کہا کہ غلام بی بی بھروانہ پر چک 243 میں 50 ایکڑ سرکاری اراضی پرقبضےکا انکشاف ہوا ہے، انہوں نے سرکاری اراضی کی سرکاری فیس خزانے میں جمع نہیں کروائی، جبکہ پی ٹی آئی رہنما فرخ حبیب نے سرکاری اراضی پر غیر قانونی کار اسٹینڈ بنا رکھا ہے۔

ترجمان نے کہا کہ وارث عزیز نے فیصل آباد ڈویلپمنٹ اتھارٹی میں تعیناتی کے دوران 2043 تک اسٹیٹ مینجمنٹ کرنا تھی، اس منصوبے 2500 کنال زرعی اراضی کو رہائشی میں تبدیل کرکے کروڑوں روپے کا گھپلہ کیا گیا۔

مزید کہا کہ مراد راس پر انصاف اکیڈمی بنانے کیلئے من پسند افراد کو ٹھیکے دینے کا الزام ہے، جبکہ اینٹی کرپشن نے سابق صوبائی وزیر مراد راس سمیت تمام رہنماوں کو آج طلب کر رکھا ہے۔