کراچی میں مچھر کالونی ڈاکس کے علاقے میں ڈکیتی مزاحمت پر پولیس اہلکاروں پر فائرنگ سے ایک اہلکار شہید ہوگیا۔

پولیس حکام کے مطابق دو ملزمان ایک کار سوار کو لوٹ رہے تھے، کچھ فاصلے پر موجود دو پولیس اہلکار موقع پر پہنچے جس پر ملزمان نے اہلکاروں پر فائرنگ کردی جس کے نتیجے میں ایک اہلکار شہید جب کہ دوسرا زخمی ہوگیا۔

ایس ایس پی کیماڑی فدا حسین جانوری کے مطابق جائے وقوعہ سے گولیوں کے خول تحویل میں لئے گئے، شواہد اکھٹے کیے جارہے ہیں۔

پولیس زرائع کے مطابق فائرنگ میں ملوث ملزم لیاری ندی کی جانب تاریکی میں فرار ہوگئے۔