گجرات میں چوہدری شجاعت حسین کے بھائی اور ان کے بھتیجے کے خلاف تیسرا مقدمہ درج کرلیا گیا ہے۔

پولیس کے مطابق چوہدری وجاہت حسین اور بیٹے موسی الہیٰ سمیت 4 افراد کے خلاف اقدام قتل کا مقدمہ درج کیا گیا ہے۔

تھانہ کڑیانوالہ میں درج مقدمے میں اقدامِ قتل کی دفعات شامل ہیں۔

چوہدری وجاہت حسین اور موسی الہٰی پر مقدمہ مقامی ن لیگی رہنما محمد علی کی مدعیت میں درج کیا گیا ہے۔

مدعی مقدمہ محمد علی نے مقدمے میں مؤقف اختیار کیا ہےکہ 23 جنوری کو میرے گھر پر فائرنگ کی گئی، ملزمان مجھے قتل کروانا چاہتے ہیں۔