سابق چیف جسٹس ثاقب نثار کی ایک اور مبینہ آڈیو سامنے آئی ہے جس میں وہ عمران خان کے وکیل خواجہ طارق رحیم سے بات چیت کررہے ہیں۔

سابق چیف جسٹس ثاقب نثار اور چیئرمین پی ٹی آئی خواجہ طارق رحیم کی مبینہ آڈیو سامنے آئی ہے جس میں طارق رحیم نے مبینہ طور پر مریم نواز کے بارے میں کہا کہ جو باتیں یہ خاتون کررہی ہیں ان پر انہیں کوئی اچھا جواب دینا چاہئے۔

مبینہ آڈیو میں طارق رحیم کہہ رہے ہیں کہ مبینہ طور پر مریم نواز کے بارے میں کہہ رہے ہیں کہ سر اس کا کوئی اچھا جواب دینا چاہئے، یہ خاتون جو بول رہی ہے، اس کو باہر ٹھوکنا چاہئے۔

مبینہ آڈیو میں سابق چیف جسٹس نے طارق رحیم کو پنجابی میں مثال دیتے ہوئے جواب دیا کہ شکر ہے مجھ میں ابھی تک حوصلہ اور برداشت ہے، میں کنفیوژ یا پریشان نہیں ہوتا۔ لیکن جب مجھے ضرورت پڑی تو میں آپ سے کہہ دوں گا، آپ پھر دھماکا کردینا۔

خواجہ طارق رحیم مبینہ طور پر سابق چیف جسٹس کو جواب دیتے ہیں آپ مجھے بتادینا آپ جو کہیں گے اسی طرح ہوگا۔

سابق چیف جسٹس جواب میں کہتے ہیں حاضر حاضر۔ کبھی اپنے بچوں سے کہیں میرے گھر چکر لگائیں۔