ماہانہ فیول پرائس ایڈجسٹمنٹ کی مد میں بجلی کی فی یونٹ قیمت میں مزید 86 پیسے اضافے کا امکان ہے۔

بجلی کے صارفین کیلئے ایک بار پھر بری خبر ہے، کیوں کہ بجلی کی فی یونٹ قیمت میں 1 ماہ کیلئے 86 پیسے مزید اضافے کا امکان ہے۔

سینٹرل پاور پرچیزنگ ایجنسی (سی پی پی اے) نے نیپرا میں ماہانہ فیول پرائس ایڈجسٹمنٹ کی مد میں بجلی کی قیمت میں اضافے کی درخواست دائر کردی ہے۔ درخواست ماہ فروری کے ایف سی کی مد میں دائر کی گئی ہے۔

نیپرا اتھارٹی 30 مارچ کو سی پی پی اے کی درخواست پر سماعت کرے گی، اور منظوری کی صورت میں اضافہ سرکاری ڈسکوز کے صارفین پر ہوگا۔