حیدرآباد میں تیزاب گردی کا ایک واقعہ پیش آیا جہاں ایک 12 سالہ بچے پر تیزاب پھینک دیا گیا۔

متاثرہ بچے کی شناخت حذیفہ کے نام سے ہوئی جسے فوری اسپتال منتقل کیا گیا جبکہ تیزاب سے بچے کا چہرہ جھلس گیا۔

والد کا کہنا ہے کہ بچہ مدرسے سے گھر جارہا تھا کہ تیزاب پھینکا گیا اور منیرقریشی نامی شخص کافی عرصے سے میرے بیٹے کو تنگ کررہا تھا۔

دوسری جانب واقعے کا مقدمہ مارکیٹ تھانہ پولیس نے حذیفہ کے والد محمد فاروق قریشی کی مدعیت میں مقدمہ درج کرلیا ہے۔

ایف آئی آر کے مطابق احمد منیر نامی شخص نے دوستی نہ رکھنے پرحذیفہ پر تیزاب پھینکا ہے، جوحذیفہ کو دوستی کرنے کو کہتا تھا اور منع کرنے پر ملزم نے دھمکیاں دیں۔