فیڈرل انوسٹیگیشن ایجنسی (ایف آئی اے) امیگریشن نے کراچی ایئرپورٹ پر کارروائی کرکے پاکستانی پاسپورٹ پرسفر کرنے والے افغان شہری کو آف لوڈ کردیا۔

نصیب جان نامی افغان مسافر پرواز نمبر جی 9543 سےعمان جانا چاہتا تھا جس کے پاسپورٹ پر بھی عمان کیلئے ملازمت کا ویزہ لگا ہوا تھا لیکن مسافرنے جعلسازی سے پاکستانی شناختی کارڈ اور پاسپورٹ بنوایا تھا۔

اس کے علاوہ مسافرامیگریشن حکام کے سوالات پر حکام کو مطمئن نہ کر سکا اور اپنی جائے پیدائش اورخاندان کے افراد سے متعلق مکمل طور پر لاعلم تھا جبکہ مسافر کے موبائل سے متعدد افغانستان کے فون نمبرز برآمد کئے گئے۔

مسافرکے موبائل سے افغانستان کے شناختی کارڈز کی تصاویر بھی برآمد ہوئی جس کے بعد کوایف آئی اے اینٹی ہیومن ٹریفیکنگ سرکل کراچی کے حوالے کر دیا گیا ہے۔