سوات کی برف پوش وادی کالام میں خطرناک جیپ ریلی کیا گیا جہاں ڈرائیوروں نے پُرخطر ٹریک پر کیچڑ اور تالابوں کا پانی اچھالتے ہوٸے منزل مقصود پہنچنے کیلئےخوب دوڑیں لگائیں۔

پانچ کلو میٹر کے خطرناک ٹریک پر ماہر ڈرائیوروں نےگاڑیاں دوڑائیں، تالابوں کا پانی اچھالتے ہوٸے سنسنی خیز مقابلے کے بعد فدا نصیب کالامی نے کم وقت میں ٹریک کوعبور کیا اور میلہ اپنے نام کرلیا، جبکہ محمد سعید نے دوسری اور وزیر محمد نے تیسری پوزیشن حاصل کرلی۔

پُرخطر جیپ ریلی میں 45 ڈرائیوروں نے حصہ لیا۔ ریلی کو دیکھنے کے لئے سیاحوں نے بڑی تعداد میں شرکت کی اور ریلی کے ساتھ ساتھ خوبصورت نظاروں کوانجوائے کیا۔

کالام میں ہر سال سرمائی سیاحت کو فروغ دینے کیلئے جیپ ریلی کا میدان سجایا جاتا ہے تاکہ سیاحوں کو علاقے کی سیاحت کے لیے راغب کیا جا سکے۔