بھارتی انتہاء پسند حکمران جماعت بھارتیہ جنتا پارٹی (بی جے پی) نے اذان کے خلاف ہرزہ سرائی کرنا شروع کردی ہے۔

ریاست کرناٹک کے بی جے پی رہنما ایشوراپا کا کہنا ہے کہ اذان کی آواز سے میرے سر میں درد ہوتا ہے جلد ہی سپریم کورٹ کے ذریعے اذان کا خاتمہ کر دیں گے۔

نریندرمُودی دور میں مسلمانوں کے خلاف جرائم، اور تشدد میں اضافہ ہوا ہے جبکہ بامبے، اتر کھنڈ، کرناٹک، پنجاب، ہریانہ، الہ باد کی عدالتیں، مساجد میں لاؤڈ اسپیکر کے استعمال پر پابندی لگاچکی ہیں۔

دوسری جانب 4 اپریل 2022 کو ہندو بلوائیوں کی بڑی تعداد نے ضلع کرولی میں مسلمانوں کی املاک کو نقصان پہنچایا اور مسجد کی چھت پر چڑھ کر انتہاء پسند جماعت آرایس ایس کا پرچم لہرانے کے ساتھ ساتھ نعرے بھی لگائے۔