امریکا میں آسکر ایوارڈ کی تقریب سے پہلے ساؤتھ ایشین ایکسی لینس پارٹی میں گلوکار نے اپنا مقبول ترین گانا پسوڑی گاکر شرکا کو محظوظ کیا۔

امریکی ریاست کیلیفورنیا کے شہر لاس اینجلس کے ڈولبی تھیٹر میں اتوار کو منعقد ہونے والےاکیڈمی ایوارڈز کی تقریب سے قبل جمعرات کو جنوبی ایشیائی ایکسی لینس پارٹی کا اہتمام کیا گیا جس کی میزبانی بالی ووڈ اداکارہ پریانکا چوپڑا اور مینڈی کلنگ کی۔ اس آسکرز پارٹی میں جنوبی ایشیا سے تعلق رکھنے والے تمام نامزد اور کامیاب افراد کو اعزاز بخشا گیا۔

آسکر ایوارڈ یافتہ فلمساز چنائے، گلوکار علی سیٹھی، اداکار رض احمد، ڈیزائنر ماہین خان کے علاوہ ٹیم جوائے لینڈ سے علینہ خان، راستی فاروق، علی جونیجو، صائم صادق اور پروڈیوسر ملالہ یوسفزئی اور انکے شوہر عصر ملک نے بھی تقریب میں شرکت کی۔

تقریب میں علی سیٹھی کی گلوکاری کے دوران شرکا کے پرجوش رقص کی ویڈیوسوشل میڈیا پر وائرل ہورہی ہے۔

آسکر ایوارڈ یافتہ فلمساز شرمین عبید چنائے نے تقریب کی چند تصاویر اور علی سیٹھی کی پرفارمنس کی ویڈیو انسٹاگرام پر جذباتی کیپشن کے ساتھ شیئر کی ہے۔