دنیابھرمیں مقبولیت حاصل کرنے والی کتاب ’الکیمسٹ‘ کے مصنف پاؤلو کوئلہو کا نام کسی تعارف کا محتاج نہیں ، برازیلین مصنف نے مریم نوازکی جانب سے اپنا نام غلط لینے پر کی جانے والی تنقید پرناقدین کو ایک مشورہ دیا ہے۔

مریم نے حال ہی میں ایک ویب سائٹ کو انٹرویوکے دوران اپنی پسندیدہ کتابیں بتاتے ہوئے الکیمسٹ کا ذکربھی کیا اور مصنف کا نام لیتے ہوئے پاؤلو کوئلہو کو ’ پاؤلوکویڈو’ کہہ بیٹھیں۔

یہ غلطی سوشل میڈیا صارفین کی نظرسے چُوک جاتی ، ایسا توممکن نہیں تھا اس لیے ردعمل میں مریم کو خاصا تنقید کا نشانہ بنایا گیا۔

اس غلطی کی گونج پاؤلوکوئلہو تک بھی پہنچی جنہوں نے حیرت انگیزطورپر رومن پنجابی میں کی جانے والی ٹویٹ کو ری ٹویٹ کرتے ہوئے تنقید کو غیرضروری قرار دیا۔

نعمان شرجیل نامی صارف نے لکھا کہ ، “ لوجی پاؤلو ’کوئڈو‘ ۔۔ نیا مصنف میدان میں آگیا ہے-“

پاؤلوکوئلہو نے جواب میں کہا، ’ میں اکثرغیرملکی ناموں کے تلفظ میں غلطیاں کرتا ہوں، اس لیے تنقید نہ کریں۔’

یہاں یہ بات قابل ذکر ہے کہ پاؤلو کوہلو برازیلین ہیں اوران کی تحریریں انگریزی زبان کے بجائے پورٹوگیزمیں ہوتی ہیں جنہیں بعد ازاں دنیا بھرکے لیے ترجمہ کیا جاتا ہے۔

ان کی تصانیف کا 88 زبانوں میں ترجمہ ہوچکا ہے اور دنیا بھرمیں 320 کتابیں فروخت ہوچکی ہیں۔

اب اگر آپ بھی یہی سوچ رہے ہیں کہ پاؤلو کوئلہو کی صحیح تلفظ کے ساتھ ادائیگی کیسے کریں تو یہ اتنا بڑا مسئلہ نہیں ہے، جیسے آپ کو آسانی ہوں کیونکہ مصنف کو خود بھی اس بات کی پرواہ نہیں کہ ان کا نام صحیح لیا گیا یا غلط ۔۔۔ یقینناً وہ اس مقولے پر یقین رکھتے ہوں گے کہ ’گلاب کو جس نام سے بھی پکارو وہ گلاب ہی رہتا ہے-‘