پاکستان میوزک اندسٹری کے معروف گلوکار اور اداکار عاصم اظہر ایک بار پھر اسکرین پر نظر آنے کو تیار ہیں۔

گلوکار عاصم اظہر رواں سال رمضان المبارک میں ’فیملی بزنس‘ سے نامی ویب سیریز میں اداکاری کرتے نظر آئینگے۔

انسٹا گرام پر اداکار فہد مصطفیٰ نے اس پراجیکٹ کا ٹریلر جاری کیا جس میں دیکھا جاسکتا ہے کہ اس ڈرامے میں عاصم اظہر کے ساتھ اداکار سیف حسن ، سلمیٰ حسن ، ماہ نور حیدر، بشریٰ حبیب اور حسین محسن بھی اداکاری کے جوہر دکھائیں گے۔

علی اور باسط کی تحریر کردہ ویب سیریز کی کہانی ایک ایسے ناتجربہ کار خاندان کے گرد گھومتی ہے جو ریٹائرمنٹ کے بعد کاروبار شروع کرنے کا خواہاں ہوتا ہے۔

یاد رہے کہ گلوکار عاصم اظہر نے اس سے قبل عید اسپیشل شو پاکیزہ کوچنگ سینٹر، ڈراما تیری چاہ میں، پگلی، نور، پیار کہانی، صنفِ آہن اور ویب سیریز میرے دوست میرے یار میں اداکاری کی جوہر دکھا چکے ہیں۔