سپریم کورٹ نے پاکستان تحریک انصاف (پی ٹی اۤئی) کے ارکان اسمبلی کے استعفےایک ساتھ منظور کرنے کی درخواست سماعت کے لئے مقرر کرلی ہے۔

سپریم کورٹ آف پاکستان کے چیف جسٹس عمر عطا بندیال کی سربراہی میں 3 رکنی بنچ 15مارچ کو سماعت کرے گا۔ جسٹس محمد علی مظہر اور جسٹس عائشہ ملک بنچ میں شامل ہیں۔

سپریم کورٹ نے درخواست سماعت کے لئے مقرر کرکے پاکستان تحریک انصاف کو نوٹس جاری کر دیا ہے۔

واضح رہے کہ پاکستان تحریک انصاف کی جانب سے سپریم کورٹ میں ارکان اسمبلی کے استعفے ایک ساتھ منظور کرنے کی درخواست دائر کر رکھی تھی۔