سابق خاتون اوّل کی قریبی دوست فرح خان المعروف فرح گوگی کے خلاف تحقیقات میں اہم پیش رفت ہوئی ہے، وفاقی تحقیقاتی ایجنسی (ایف آئی اے) کی ٹیم نے عدالت سے ناقابل ضمانت وارنٹ گرفتاری لے کر فرح خان کے ملازم کو وصول کروا دئیے۔

فرح خان کے خلاف منی لانڈرنگ کی تحقیقات جاری ہیں، اور انہی تحقیقات کے تحت انہیں انٹرپول کے ذریعے گرفتار کرکے پاکستان لانے کا فیصلہ کیا گیا ہے۔

ایف آئی اے ٹیم عدالت سے وارنٹ گرفتاری لے کر فرح خان کے گھر پہنچی، جہاں ان کے ملازم نے وارنٹ گرفتاری وصول کئے۔

عدالت نے شامل تفتیش نہ ہونے پر فرح خان کے ناقابل ضمانت وارنٹ جاری کئے ہیں۔

فرح خان پر منی لانڈرنگ کے ذریعے غیر قانونی اثاثہ جات بنانے کا الزام ہے اور ان کے نام پر اربوں روپے کے بینک اکاؤنٹ ملنے کا انکشاف ہوا ہے۔