بلوچستان کے علاقے بولان میں پولیس کے ٹرک کے قریب ہونے والے خودکش دھماکے کا مقدمہ درج کرلیا گیا ہے۔

کاؤنٹر ٹررزم ڈپارٹمنٹ (سی ٹی ڈی) کے مطابق مقدمہ انسداد دہشتگردی، قتل، اقدام قتل اوردیگر دفعات کے تحت درج کیا گیا ہے۔

سی ٹی ڈی کا کہنا ہے کہ حملہ آور کی شناخت کیلئے نادرا سے ڈیٹا طلب کیا گیا جبکہ واقعے کی مختلف پہلوؤں پرتفتیش جاری ہے۔

یاد رہے کہ بولان دھماکے میں 9 اہلکارشہید اور8 افراد زخمی ہوئے تھے پولیس حکام نے کہا تھا کہ دھماکے میں پولیس ٹرک کو نشانہ بنایا گیا ہے۔