پاکستان میں روپے کے مقابلے امریکی ڈالر کی قیمت میں کمی کا سلسلہ جاری ہے۔

اسٹیٹ بینک کے مطابق منگل کے روز ملکی تبادلہ منڈیوں میں پانچ پیسے مزید سستا ہونے کے بعد ڈالر 277 روپے 87 پیسے کی سطح پر بند ہوا ہے۔

کاروباری ہفتے کے ابتدائی دو دنوں میں ڈالر کے بھاؤ میں 59 پیسے کی کمی ہوئی ہے جب کہ اوپن مارکیٹ میں امریکی کرنسی کی قیمت فروخت 280 روپے ہے۔

خیال رہے کہ گزشتہ روز 64 پیسے کمی کے بعد ڈالر کی قیمت 277 روپے 92 پیسے ریکارڈ کی گئی تھی۔