وفاقی وزیرداخلہ رانا ثنا اللہ نے کہا کہ پاکستان تحریک انصاف کے چئیرمین عمران خان کو گرفتار کرنا کوئی مشکل کام نہیں عدالت کا حکم آیا تو عمران خان کو فوری گرفتارکریں گے۔

فیصل آباد میں میڈیا سے بات کرتے ہوئے کہا کہ الیکشن کرانا الیکشن کمیشن کا کام ہے الیکشن ملک کی بہتری کیلئے ہونا چاہئے۔

وزیرداخلہ نے کہا کہ الیکشن صرف عمران خان کی ضد پوری کرنے کیلئے نہیں ہونا چاہئے ایسا الیکشن جو مزید افراتفری لائے اور اس فتنے کو نیا ڈرامہ رچانے کا موقع ملے ایسا الیکشن خطرناک ہوگا۔

انہوں نے کہا کہ پولیس صرف عدالتی حکم کی تعمیل کیلئے وہاں پہنچی اگر گرفتار کرنا ہوتا تو جو برگر انہوں نے وہاں بٹھائے ہوئے وہ رکاوٹ نہیں بن سکتے تھے۔