معروف پاکستانی اداکارہ صنم سعید اور ان کے شوہر محب مرزا شادی کا اعلان کرتے ہوئے باقاعدہ ایک جوڑے کے طور سامنے آئے ہیں ۔

صنم سعید اپنی ذاتی زندگی کے بارے میں زیادہ بات نہیں کرتیں اور نہ ہی اپنی ذاتی زندگی کی اپ ڈیٹس سوشل میڈیا پر پوسٹ نظر کرتی ہیں لیکن اس سال کے آغاز سے یہ قیاس آرائیاں کی جارہی تھی کہ دونوں نے خاموشی سے شادی کرلی ہے تاہم تابش ہاشمی کے پروگرام محب نے صرف اتنا بتایا تھا کہ ان کی شادی ہوگئی تاہم اپنی دلہن کا نام نہیں بتایا تھا۔

اب محب مرزا اور صنم سعید نے اداکار فہد مصطفیٰ کے پروگرام میں شرکت کی جہاں میزبان نے دونوں کی شادی کا اعلان کیا اور مبارکباد بھی دی۔

صنم اور محب نے گزشتہ سال اپنے اٹلی کے سفر کی یادیں بھی شیئر کیں اور بتایا کہ وہ فلورنس کیسے گئے جہاں صنم ہمیشہ جانا چاہتی تھی۔

پروگرام میں کئے مختلف سوالات میں صنم سعید نے بہتر اداکاری کے لحاظ سے فواد خان کو پہلے، محب مرزا کو دوسرے اور فہد مصطفیٰ کو تیسرے نمبر پر رکھا جبکہ ثروت گیلانی کو بہترین اداکارہ قرار دیا۔

صنم سعید نے کہا کہ محب مرزا کی شخصیت مجھے خود بھی ابھی تک سمجھ نہیں آئی۔