بھارتی اداکارہ سشمیتا سین نے انکشاف کیا ہے کہ ان کو دل کا دورہ پڑا تھا اور وہ دل کی سرجری سے گزری ہیں۔

سابق مس یونیورس اور اداکارہ سشمیتاسین نے انسٹاگرام پر اپنے مداحوں کو اس خبر سے آگاہ کرتے ہوئے بتایا کہ وہ بیماری سے صحت یاب ہورہی ہیں۔

اداکارہ نے بتایا کہ کچھ دن قبل ان کو دل کا اٹیک ہوا تھا اور فوری طور پر ان کی انجیوپلاسٹی کی گئی اور اسٹنٹ ڈالا گیا۔

انہوں نے لکھا کہ میرے والد کے الفاظ ہیں کہ اپنے دل کو خوش اور بہادر رکھو اور یہ آپ کے ساتھ اس وقت کھڑا ہوگا جب آپ کو اس کی ضرورت ہوگی۔

انہوں مزید لکھا کہ سب سے اہم بات یہ ہے کہ میرے کارڈیولوجسٹ نے اس بات کی تصدیق کردی ہے کہ میرا دل بہت بڑا ہے۔

انہوں نے اپنی پوسٹ میں ان لوگوں کا شکریہ ادا کیا جنہوں نے اداکارہ کو اس مشکل وقت میں فوری طور پر مدد فراہم کی۔