سربراہ عوامی مسلم لیگ شیخ رشید نے کہا ہے کہ کل حکومت نے پانچ روپے پیٹرول سستا کیا آج ڈالرتین سو روپے تک پہنچا دیا۔

ملک میں ڈالر کی اونچی اڑان اور شرح سود میں اضافے پر سیاسی رہنما عوام کی حمایت میں سامنے اۤگئے۔ سربراہ عوامی مسلم لیگ اور سابق وفاقی وزیر شیخ رشید کا کہنا ہے کہ شرح سود 20 فیصد کردی گئی، کل حکومت نے5 روپے پیٹرول سستا کیا آج ڈالر300 روپےتک پہنچادیا۔موجودہ حکومت نے پاکستان کوغریب کےلیےموت کا کنواں بنا دیا ہے۔

سماجی رابطے کی ویب سائیٹ ٹویٹر پر شیخ رشید نے مزید لکھا کہ جب ریزرو 3 بلین ڈالر رہ جائیں تو حکومت کا کھیل ختم اور پیسا ہضم ہوجاتا ہے۔

انھوں نے کہا کہ اۤئی ایم ایف نے ابھی مزید بجلی گیس اور ایل پی جی کےریٹس بڑھا کر پاکستان کوغریب کے لیے ڈیتھ زون بنانا ہے۔