پاکستان تحریک انصاف (پی ٹی آئی) نے جیل بھرو تحریک میں گرفتار رہنماؤں اور کارکنوں کی رہائی کے لئے پٹیشن دائر کرنے کا فیصلہ کرلیا۔

پارٹی ذرائع کے مطابق پی ٹی آئی نے قانونی ٹیم تشکیل دے دی، قانونی ٹیم میں علی ظفر، فیصل چوہدری، بابراعوان اور اظہر صدیق شامل ہیں۔

ذرائع کا کہنا ہے کہ قانونی ٹیم ہائیکورٹ میں رہنماؤں کی نظربندی کو بھی چیلنج کرے گی، گرفتار کارکنوں کی رہائی کے لئے بھی اپیلیں دائر کی جائیں گی۔

ذرائع نے مزید بتایا کہ نظربندی کو چیلنج اور رہائی کی اپیلیں جلد فائل کی جائیں گی۔