کچھ عرصہ قبل آئمہ بیگ نے کیفی خلیل کا گانا اپنی آواز میں ریلیز کیا تھا جسے صارفین کی جانب سے شدید تنقید کا نشانہ بنایا گیا تھا ۔

حال ہی میں ایک ٹی وی شو میں گلوکارہ آئمہ بیگ نے بتایا ’کیفی انتہائی عاجز اور اچھا انسان ہے، جب میں نے گانا گایا تو اس نے مجھے فون کیا اور کہا پہلے لوگوں نے اتنا نہیں سنا تھا لیکن آپ کے گانے کے بعد لوگ اس گانے کو مزید جاننے لگے ہیں‘۔

گلوکارہ نے کہا کہ ’وہ بندہ صرف ٹیلنٹ ہے، اس کے علاوہ کچھ نہیں، اس نے مجھ سے کہا کہ آپ کے گانے کے بعد لوگوں نے اصل والا بھی سنا لیکن میرے خیال میں اصل کو کوئی ہرا نہیں سکتا‘۔

آئمہ بیگ کا کہنا تھا ’یہ بات نہیں کہ کون زیادہ اچھا گائے گا، مجھے اس وقت لگا کہ مجھے یہ گانا گانا چاہیے اسی لیے میں نے گایا، میرے دل سے نکلا تھا تو میں نے گا دیا، مجھے فرق نہیں پڑتا کہ کون اسے پسند کرتا ہے اور کون ناپسند‘۔