اداکار فیصل قریشی کی بڑی بیٹی حنیش قریشی نے بھی شوبز کی دنیا میں قدم رکھ دیا ۔

فیصل قریشی کی صاحبزادی حنیش قریشی نے دی ڈارک امیج (ٹی ڈی آئی فلمز) کی جانب سے یوٹیوب چینل کے لیے بنائی گئی مختصر ٹیلی فلم (نقاب) سے اداکاری کا آغاز کیا ہے۔

مختصر فلم نقاب کو 26 فروری کو ریلیز کیا گیا ہے اس مختصر فلم کی کہانی نمرہ جمیل نے لکھی ہے جب کہ احمد قاسمانی اور محسن علی نے اس کی ہدایات دی ہیں۔

مختصر فلم میں حنیش قریشی کے علاوہ ثاقب سمیر، بلال جاوید، انوشے بلال اور فیض ریاض کے علاوہ دیگر اداکاروں نے اداکاری کے جوہر دکھائے ہیں۔

حنیش قریشی نے انسٹاگرام اسٹوریز میں تصدیق کی اور اس بات پر خوشی کا اظہار کیا کہ میڈیا اور لوگ انہیں ان کے والد کی وجہ سے زیادہ اہمیت دیتے دکھائی دیے۔

مختصر فلم کی کہانی ایک قتل اور اس کے قاتلوں کی تلاش کے گرد گھومتی ہے۔

حنیش قریشی سینیئر اداکار کی بڑی بیٹی ہیں جو کہ ان کی پہلی اہلیہ سے ہیں اور فیصل قریشی کی پہلی شادی طلاق پر ختم ہوئی تھی۔

فیصل قریشی نے دوسری شادی ثنا فیصل سے 2010 میں کی تھی، جن سے بھی انہیں 2 بچے، ایک بیٹی آیت اور بیٹا فرمان قریشی ہیں۔