خیبرپختونخوا بار کونسل نے سپریم کورٹ کیلئے خیبرپختونخوا سے ججز نہ لینے کےخلاف یکم مارچ کو ہڑتال کی کال دے دی ہے۔

خیبر پختون خوا بار کونسل کے مطابق سپریم کورٹ میں تمام فیڈریشن کی برابر نمائندگی ہونی چائیے لیکن 2017 سے خیبرپختونخوا کے ججز کو نظر انداز کیا گیا ہے۔

بار کونسل نے جوڈیشل کمیشن کا فوری اجلاس بلانے کا مطالبہ کرتے ہوئے کہا کہ معاملے پر بہت جلد پشاور میں وکلاء کنونشن کا انعقاد بھی کیا جائے گا۔

خیبرپختونخوا بار کونسل نے یکم مارچ کو ہڑتال کی کال دیتے ہوئے اعلان کیا ہے کہ یکم مارچ کو وکلاء عدالتوں میں پیش نہیں ہوں گے۔