کمشنر کراچی نے وفاقی حکومت کی ہدایت پر ڈپٹی کمشنرز کو شہر میں مارکیٹیں ساڑھے 8 بجے بند کرانے کی ہدایت کردی ہے۔

توانائی بحران پر قابو پانے کے لیے وفاقی حکومت کی ہدایت پرکمشنر کراچی نے تجارتی مراکزاورشاپنگ مالزرات ساڑھے 8 بجے بند کرانے کے لیے تمام ڈپٹی کمشنرز کو خط لکھ دیا ہے۔

ڈپٹی کمشنرز کو ہدایت کی ہے کہ شادی ہال اور ریسٹورنٹ رات 10 بجے بند کئے جائیں اور توانائی بحران سے متعلق وفاقی حکومت کے احکامات پر عملدرآمد کرایا جائے۔

کمشنرکراچی نے تمام اضلاع کے ڈپٹی کمشنرزسے نئے حکم نامے پر عمل درآمد رپورٹ بھی طلب کی ہے۔