پاکستان تحریک انصاف کے مرکزی رہنما شبلی فراز نے کہا ہے کہ صدرمملکت ڈاکٹر عارف علوی پنجاب اور خیبرپختونخوا میں ضمنی الیکشن کی تاریخ دے چکے ہیں، نوے دن کی حد میں تبدیلی چاہنے والے اۤئین میں ترمیم لے اۤئیں۔

پنجاب اور خیبرپختون خوا میں الیکشن کا معاملہ سپریم کورٹ میں زیر سماعت ہے۔ کپتان کے کھلاڑیوں کی خواہش ہے کہ ضمنی انتخابات صدر ڈاکٹر عارف علوی کی دی گئی تاریخ کے مطابق 19 اپریل کو کرائے جائیں۔

سپریم کورٹ کے باہر میڈیا سے گفتگو میں شبلی فراز نے کہا کہ آئین پرعمل درآمد کرکے انتخابات کروائے جائیں، اگر کوئی نوے دن کی انتخابات کی حد میں تبدیلی چاہتا ہے تو اسمبلی میں ترامیم کروالے۔

پاکستان مسلم لیگ (ن) کی چیف اۤرگنائزر مریم نواز پر تنقید کرتے ہوئے پی ٹی اۤئی رہنما کا کہنا تھا کہ عمران خان نے جونیئر جج پر تنقید کی تو ان پر دہشت گردی کا مقدمہ بنا دیا گیا جبکہ دوسری طرف مریم نواز عدالت کو متنازعہ بنانے کی ناکام کوشش کررہی ہیں۔