خیبر پختونخوا کے نگران وزیر برائے جیل خانہ جات شفیع اللہ نے جیل بھرو تحریک کے قیدیوں کی چائے روٹی کے ساتھ مرغ پلاؤ سے بھی تواضع کرنے کا اعلان کردیا۔ ان کا کہنا ہے کہ ایک شخص ہو یا ایک ہزار، اگر عدالت ان کو جیل بھیجے تو ہمارا بندوبست پورا ہے، جتنے لوگ بھی ہوں ہم ان کو رکھیں گے۔

نگران وزیر نے آج نیوز کے ساتھ خصوصی گفتگو میں کہا کہ جیل جانے کا ایک طریقہ ہے، عدالت لوگوں کو جیل بھیجتی ہے ہم خود سے کسی کو نہیں پکڑ سکتے۔

وزیر جیل خانہ جات شفیع اللہ نے بتایا کہ خیبرپختونخوا میں 38 جیلیں ہیں جن میں 13 ہزار 851 قیدی موجود ہیں، ہماری جیلوں میں 13 ہزار 106 قیدیوں کی گنجائش ہے۔