طبی ماہرین کاربونیٹڈ مشروبات کا استعمال ترک کرنے سے متعلق کچھ غلط نہیں کہتے لیکن بہت بڑی تعداد میں پسند کیے جانے والے یہ مشروبات کئی ایسے کام بھی دکھاتے ہیں جو زندگی آسان بنا سکتے ہیں

کوکا کولا بھی ایک ایسا ہی مشروب ہے جس سے ٹوائلٹ کی بہترین صفائی ہوتے دیکھ کربھی اسے پینے کے شائق عبرت نہیں پکڑتے لیکن اب ایک ایسا استعمال سامنے آیا ہے جو بہت سوں کو پسند آئے گا اور فریج میں رکھی کولا کی بوتل کو پینے کے بجائے اس کے استعمال کو زیادہ ترجیح دیں گے۔

کولا درحقیقت بہت سی مختلف چیزوں کے لیے مفید ہے، جس سے آپ اپنی چائے کی کیتلی کو صاف کرنے کے ساتھ ہی ٹوائلٹ کو صاف کرنے کے لیے استعمال کرسکتے ہیں۔ یہ مشروب کسی بھی چیز کو صاف کرنے کی صلاحیت رکھتا ہے۔

اس کا سب سے اچھا فائدہ ایسے موقع پر بھی ہوتا ہے جب اکثر چھوٹے بچے اپنے بالوں میں چیونگم چپکالیتے ہیں، جسے نکالنا مشکل ہی نہیں تقریباً ناممکن جاتا ہے لیکن ایسے میں اگر بالوں کو کوکا کولا سے دھو لیا جائے تواس کے اثرات حیران کن ہوں گے۔

بچوں کے بالوں سے چیونگم نکالنے کے لیےایک پیالے کو کوکا کولا سے بھریں اوراس میں سر جھکا کرچیونگم والوں بالوں کا حصہ ڈبو کرتھوڑی دیر کیلئے رہنے دیں۔

آپ دیکھیں گے کہ چیونگم آپ کے بالوں سے نکل کرعلیحدہ ہوجائے گی، یہ آسان طریقہ اس بڑی مشکل سے چند منٹوں میں نجات دلا سکتا ہے۔