وفاقی حکومت نے بجلی کے ٹیرف میں اضافے کے لئے نیپرا میں درخواست دائر کردی۔

بجلی صارفین کیلئے بری خبر ہے، کیوں کہ بجلی کے ٹیرف میں بڑے اضافے کا امکان ہے، اور وفاقی حکومت نے قیمتوں میں اضافے کے لئے نیپرا میں درخواست بھی دائر کردی ہے۔

پاور ہولڈنگ کمپنی کے 800 ارب کےقرضہ جات پر مارک اپ کی ادائیگی کے لئے وفاقی حکومت کی جانب سے نیپرا میں فی یونٹ قیمت 3 روپے 39 پیسے اضافے کی درخواست دائر کی گئی ہے۔

وفاقی حکومت کی جانب سےدائرکی گئی قیمتوں میں اضافے کی درخواست پر نیپرااتھارٹی 2 مارچ کو سماعت کرے گی۔